13 brands ng self-administered antigen test kits sertipikado na ng FDA
Mayroon nang 13 brands ng self-administered antigen test kits ang nabigyan ng sertipikasyon ng Food and Drug Administration (FDA).
Ayon kay FDA director-general Dr. Oscar Gutierrez Jr., kabilang dito ang 11 nasal swab Home Self-Testing at 2 oral fluid Home-Self Testing.
Mayroon namang 81 Antigen Test Kits na Professional Assisted ang nabigyan na ng sertipikasyon ng FDA.
Habang may 35 na certified Antibody Test Kits.
Para naman sa RT-PCR Test, mayroon nang 57 ang nabigyang ng sertipikasyon ng ahensya.
Samantala, sinabi ni Gutierrez na mayroon pang 173 Covid-related medicines ang nadagdag na rehistrado sa FDA.
Sa ngayon mayroon nang mahigit 1,700 na Covid-related medicines ang rehistrado sa ahensya. (DDC)
