Central Office ng LTO sarado hanggang sa Biyernes, Jan. 14

Sarado pa rin hanggang sa Biyernes, January 14 ang central office ng Land Transportation Office o LTO at iba pang sangay nito.

Ayon sa abiso ng LTO, ito ay dahil kailangang sumailalim sa quarantine protocols ng mga nagpositibong LTO frontliners at kanilang mga naging close-contact.

Wala munang tatanggaping transaksyon sa LTO Compound sa East Avenue sa Quezon City.

Sarado din ang ilang mga tanggapan sa LTO NCR-East.

Paalala ng LTO, extended ang validity ng mga Student Permit, Driver’s License, Conductor’s License, at maging mga Medical Certificate na mag-eexpire sa mga susunod na buwan.

Ang mga mayroong expiration ngayong January 2022 ay extended hanggang March 31, 2022. (DDC)