Hepe ng PNP Aviation Security Group sa Region 5 isinailalim sa restrictive custody matapos manakit ng kapwa pulis

Nakasailalim na sa restrictive custody ang Regional Commander ng PNP-Aviation Group 5 makaraang hampasin ng bote sa mukha ang kapwa nito pulis sa Legazpi City.

Binisita ni PNP chief, Police General Dionardo Carlos ang biktima na si P/MSG Ricky Brabante na nakatalaga sa Regional mobile Force Batallion.

Nagtamo si Brabante ng matinding pinsala sa kanang mata at sumailalim sa major operation.

Bulag na ang kanang mata ni Brabante dahil sa nasabing insidente.

Inatasan ni Carlos ang Police Regional Office 5 na madaliin ang imbestigasyon at agad desisyonan ang kaso.

Ang suspek na si P/COL Dulnoan Dinamling Jr, ay nasa restrictive custody na ng Aviation Group.

Tiniyak naman ni Carlos na tutulungan ng PNP si Brabante sa kaniyang mga pangangailangang medikal. (DDC)