Top 10 “biggest losers” sa PNP kinilala; PNP chief Debold Sinas nabawasan ng 72 lbs ang timbang

Sampung tauhan ng Philippine National Police (PNP) ang itinanghal bilang “Top 10 biggest losers”.

Kaugnay ito ng Weight Loss and Fitness Program ng PNP na tinawag na “Chubby Anonymous Project” na inilunsad walong linggo na ang nakararaan.

Iprinisinta ni PNP chief, Police General Debold M. Sinas an mga pulis na itinanghal bilang Top 10 Chubby Anonymous “biggest
losers”.

Kinilala itong sina:

1. PCPL Kenneth C Paredes, 24.1 kgs
2. PCPL Niño Anthony Alfonso, 19kgs
3. PLTCOL Xerblyn E Germino, 12.5 kgs
4. PLTCOL Elinor L Bautista, 12.15 kgs
5. PCPL James Adrian M Palma, 11.8 kgs
6. PCPL Joana Karla Masajo, 11.8 kgs
7. PCPL Crisostomo P Presto Jr, 10.3 kgs
8. PMAJ Michelle O Ferrer, 9.8 kgs
9. PMAJ Cesar Velasco, 14.7 kgs
10. PSSG Ryan D Guillermo, 10 kgs

Ayon kay Sinas ang nasabing programa ay layong mai-promote ang wellness at fitness sa mga pulis sa pamamagitan ng pag-eehersisyo at nutritional habits.

Sa simula ay 20 pulis lamang ang kumahok sa weight loss project mula sa iba’t ibang units pero kalaunan ay umabot na sa 80 ang lumahok.

Ang mga lumahok ay dumalo sa serye ng virtual sessions, nutritional consultations, exercises at health assessments.

Bagaman kalahok sa programa ay tuloy sa pagtatrabaho ang mga pulis. Ayon kay sinas, araw-araw lamang silang minominotor ng fitness coaches para matiyak na nakasusunod sila sa disiplina sa pagkain at pagsasagawa ng ehersisyo.

Mismong si Sinas ay nabawasan ng 72 lbs o 32.7 kgs ang timbang sa nakalipas na limang buwan ng kaniyang weight loss routine.