Community Pan-TREE ng DENR-NCR muling magbubukas ngayong linggo

Magbubukas muli ngayong linggo ang Community Pan-TREE ng Department of Environment and Natural Resources (DENR) – NCR.

Bukas araw ng Martes (May 4) at sa Huwebes (May 6) bubuksan ang Community Pan-TREE sa DENR-NCR Technical Services compound, North Avenue, Diliman, Quezon City.

Bukas ito mula alas 9:00 ng umaga hanggang alas 12:00 ng tanghali.

Magbibigay ng libreng seedlings ng fruit-bearing trees at gulay.

Bawat recipient ay maaring makapag-uwi ng hanggang limang fruit-bearing tree seedlings at sampung vegetable seedlings.

Pinapayuhan ang lahat ng magtutungo sa lugar na sundin ang public health protocols.