Red Cross Hospital Tents sa NKTI fully-operational na
Nagagamit na ang mga hospital tent ng Philippine Red Cross sa National Kidney and Transplant Institute (NKTI).
Ayon kay Red Cross Chairman at Senator Richard Gordon, dalawampung pasyente na ang naka-admit sa Red Cross emergency field hospital.
Itinayo ng Red Cross sa NKTI ang mga tent bilang suporta sa dahil sa patuloy na pagtaas ng bilang ng mga pasyente na kailangan ng medical treatment.
Ang mga tent ay kumpleto sa kagamitan at fully air conditioned.
Pinasalamatan naman ni Gordon ang mga volunteer at staff ng Red Cross gayundin ang mga doktor at nurse sa kanilang walang sawang serbisyo.
