Dagdag na 15,800 doses ng Sinovac COVID-19 vaccine natanggap ng QC LGU
Nabigyan na ng Department of Health (DOH) ng dagdag na 15,800 Sinovac vaccines ang Quezon City Local Government.
Ang nasabing mga bakuna ay para sa 1st at 2nd dose ng 7,900 na indibidwal.
Ayon sa QC LGU ito ay ilalaan para eZConsult online at assisted booking vaccination appointments.
Binigyan-diin naman ng lokal na pamahalaan na limitado pa din ang suplay ng bakuna.
Muli namang binuksan ng eZconsult ang vaccination appointment schedules para sa mga petsang May 4 hanggang May 7 (Tuesday-Friday).
