32 pang Pinoy tinamaan ng COVID-19 sa ibang bansa

Nadagdagan ng 32 pa ang bilang ng mga Pinoy sa ibang bansa na tinamaan ng COVID-19.

Sa datos mula sa Department of Foreign Affairs (DFA) araw ng Biyernes, April 30, sa kabuuan 18,357 na ang bilang ng mga Pinoy abroad na tinamaan ng COVID-19.

Nadagdagan naman ng 38 ang bilang ng mga Pinoy abroad na gumaling sa sakit.

Sa kabuuan, 11,271 na ang gumaling habang 5,941 pa ang sumasailalim sa gamutan.

Nasa 1,145 naman ang kabuuang bilang ng mga nasawing Pinoy sa ibang bansa dahil sa COVID-19.