MECQ sa Tuguegarao City palalawigin pa
Palalawigin ang Modified Enhanced Community Quarantine (MECQ) status ng lungsod ng Tuguegarao simula 12:01AM ng May 1, 2021 hanggang 12:00MN ng May 7, 2021.
Dahil ito sa patuloy na pagtaas ng aktibong kaso ng COVID-19 na umabot sa bilang na 1,072 araw ng Huwebes, April 29.
Mahigpit pa ring ipatutupad ang mga umiiral na MECQ protocols at antabayanan din ang iba pang mga karagdagang panuntunan.
Muling umapela ang lokal na pamahalaan sa publiko na sundin ang minimum public health standards sa lahat ng oras tulad ng pagsusuot ng face mask at face shield, pagsunod sa social distancing at ang palagiang paghuhugas ng mga kamay.
