Kaso ng COVID-19 sa bansa nadagdagan ng mahigit 8,700; 89 pa ang pumanaw

Nakapagtala ng mahigit 8,700 pang bagong kaso ng COVID-19 sa bansa.

Ayon sa datos ng Department of Health (DOH) araw ng Biyernes, April 30 ay 1,037,460 na ang kabuuang bilang ng kaso ng COVID-19 sa bansa.

Sa magdamag, umabot sa 8,748 ang dagdag na mga kaso.

Sa kabuuang bilang ng COVID-19 cases, 946,318 ang gumaling o katumbas ng 91.2 percent makaraang makapagtala pa ng dagdag na 4,143 na gumaling.

73,908 naman ang active cases o katumbas ng 7.1 percent.

17,234 na ang kabuuang death toll sa bansa o 1.66 percent makaraang makapagtala ng dagdag na 89 pang pumanaw.