Limang suspek sa pagnanakaw sa mga aso ni Lady Gaga hawak na ng mga otoridad
Mayroon nang limang katao na naaresto na may kaugnayan sa insidente ng pagnanakaw sa mga alagang aso ng singer na si Lady Gaga.
Magugunitang noong buwan ng Pebrero, tinutukan ng baril ng mga salarin ang dog walker na si Ryan Fischer at saka tinangay ang mga aso na pag-aari ni Lady Gaga.
Dalawa sa mga aso ni Lady Gaga ang natangay na parehong French Bulldog habang nakatakas naman ang ikatlong aso.
Dalawang araw matapos ang insidente ay natagpuan din ang dalawang nanakaw na aso.
Kinumpirma ng Los Angeles Police na hawak na nila ang limang suspek na maliban sa pagnanakaw ng mga aso ay mahaharap din sa kaso kaugnay sa pamamaril sa dog walker.
