Kaso ng COVID-19 sa bansa nadagdagan ng mahigit 6,000; 115 pa ang pumanaw

Nakapagtala ng mahigit 6,000 pang bagong kaso ng COVID-19 sa bansa.

Ayon sa datos ng Department of Health (DOH) araw ng Miyerkules, April 28 ay 1,020,495 na ang kabuuang bilang ng kaso ng COVID-19 sa bansa.

Sa magdamag, umabot sa 6,895 ang dagdag na mga kaso.

Sa kabuuang bilang ng COVID-19 cases, 935,695 ang gumaling o katumbas ng 91.7 percent makaraang makapagtala pa ng dagdag na 10,739 na gumaling.

67,769 naman ang active cases o katumbas ng 6.6 percent.

17,031 na ang kabuuang death toll sa bansa o 1.67 percent makaraang makapagtala ng dagdag na 115 pang pumanaw.