P68M na halaga ng shabu nakumpiska sa isang drug suspect sa Cavite

Arestado ang isang drug suspek sa operasyon na ikinasa ng PNP Drug Enforcement Group (PDEG) sa Dasmariñas City, Cavite.

Ayon kay PNP Chief, Police General Debold M. Sinas, nakumpiska sa suspek na si Michael Lucas, alyas ‘Boy Muslim’ ang 10 kilo ng hinihinalang shabu na tinatayang aabot sa P68 million ang halaga.

Ikinasa ang operasyon sa Moab St., Town and Country Homes Subd.

Batay sa imbestogasyon, mahigit dalawang taon nang sangkot sa pagbebenta ng ilegal na droga ang suspek at ang operasyon nito ay sa Region 3, NCR, Mindanao, at iba pang lalawigan.

Ayon kay Sinas ang suplay ng ilegal na droga ay kinukuha ng suspek mula sa isang Chinese national na nakakulong sa Muntinlupa City.

Umaabot sa 10 hanggang 15 kilo ng shabu ang naibebenta ng suspek sa iba’t ibang lugar.