3 taong gulang na bata patay sa sunog sa Maynila
Isang tatlong taong gulang na batang babae ang nasawi sa sunog sa residential area sa Tondo, Maynila.
Sa inisyal na ulat ng Bureau of Fire Protection, nagsimula ang sunog sa bahagi ng Pilapil Street pasado alas 2:00 ng madaling araw ngayong Martes (April 27).
Umabot sa ikatlong alarma ang sunog bago naideklarang under control pasado alas 3:30 ng madaling araw.
Inaalam pa kung ano ang pinagmulan ng apoy at kung magkano ang halaga ng mga natupok na ari-arian.
