Rekomendasyon ng Octa Research Team na palawigin pa ang MECQ sa NCR Plus suportado ni Sec. Duque
Sinuportahan ni Health Sec. Francisco Duque III ang nais ng Octa Research Team na palawigin pa ang ipinaiiral na MECQ sa NCR Plus.
Nilinaw naman ng kalaihim na nakadepende pa rin ang posisyon ng DOH sa mga datos na nakakalap ng kanilang Technical Advisory Group.
Sinabi ni Duque na anumang mapagkasunduan ng DOH-TAG ay kanilang irerekomenda sa pagpupulong ng IATF para sa ipatutupad na quarantine status sa NCR Plus at iba pang panig ng bansa.
Una nang inirekomenda ng Octa Research na pahabain pa ang pagpapatupad ng MECQ sa Metro Manila at apat na katabing lalawigan para masiguro ang tuloy tuloy pang pagbaba ng mga kaso ng COVID-19.
