Pangulong Duterte may public address sa Miyerkules (Apr.28); quarantine classification para sa Mayo maaring ianunsyo
Magkakaroon ng public address si Pangulong Rodrigo Duterte sa Miyerkules, April 28.
Ayon kay Presidential Spokesperson Harry Roque, maaring ianunsyo na rin ng pangulo ang quarantine classification na paiiralin para sa buwan ng Mayo.
Sa April 30 kasi ay matatapos na ang pag-iral ng Modified Enhanced Community Quarantine sa NCR Plus.
Una nang sinabi ni Roque na sa isusumiteng rekomendasyon ng IATF para sa quarantine measures, kabilang sa isasa-alang alang ay ang siyensya at hard data.
Kasama aniya dito ang attack rate at ang hospital care utilization.
