240 pang pulis gumaling sa COVID-19; 2 pa ang pumanaw

Nakapagtala ng 240 pa na gumaling na pulis matapos silang tamaan ng COVID-19.

Sa datos mula sa PNP Health Service, umabot na sa 17,654 na pulis ang gumaling mula sa COVID-19.

Umabot naman na sa 19,639 na pulis ang nagpositibo sa COVID-19.

Sa nasabing bilang, 1,930 ang active cases.

Nakapagtala din ng dagdag na dalawa pang pumanaw na pulis dahil sa COVID-19.

Dahil dito umabot na sa 55 ang bilang ng mga nasawing pulis dahil sa naturang sakit.