Estrella-Pantaleon Bridge, 88 percent nang kumpleto

Nasa 88 percent na ang completion rate ng Estrella-Pantaleon Bridge Project.

Sinabi ni Public Works and Highways Secretary Mark A. Villar na ang China-aided Estrella-Pantaleon Bridge Project ay nasa wrap-up stage na.

“Even with the challenges brought about by the pandemic, the project to date is 88 percent complete and we now wrapping up the construction of the expanded Estrella-Pantaleon Bridge,” ayon kay Villar.

Inaasahang makapagpapaluwag ng traffic sa Metro Manila ang 506 meter na Estrella-Pantaleon Bridge na magkukunekta sa Estrella, Makati City at Barangka Drive sa Mandaluyong.

Sa sandaling makumpleto na ang Estrella-Pantaleon Bridge mayroon na itong apat na linya mula sa dating dalawang linya lamang.

Inaasahan ding maseserbisyuhan nito ang 50,000 na sasakyan kada araw.