April 27 idineklarang holiday ni Pangulong Rodrigo Duterte sa Montalban
Idineklarang special non working holiday ni Pangulong Rodrigo Duterte ang April 27, 2021 araw ng Martes sa Montalban, Rizal.
Sa nilagdaang Proclamation Number 1136 ng pangulo, ito ay bilang selebrasyon sa ika-150 Founding Anniversary ng bayan ng Montalban.
Nakasaad sa proklamasyon na ang deklasyon ng holiday ay para mabigyang pagkakataon ang mga mamamayan na makiisa sa selebrasyon nang naaayon sa pinaiiral na community quarantine.
Ipinaalala sa proklamasyon na kung magkakaroon ng seremonya ay dapat matiyak na masusunod ang social distancing at iba pang public health measures.
