Miyembro ng BIFF na suspek sa pagpapasabog sa Isulan, Sultan Kudarat arestado ng PNP

Naaresto sa ikinasang counter terrorism operation ng pulisya ang Number 5 Most Wanted sa SOCCSKSARGEN Region.

Kinilala ni Police General Debold M. Sinas ang suspek na si Norton Saptula, 23 anyos alyas Norton sa Poblacion, Ampatuan, Maguindanao.

Sa inisyal na ulat ng operating troops nagsagawa ng Counter Terrorism Operation at isinilbi kay Saptula ang Warrant of Arrest sa kaso nitong Complex Crime of Murder (3 Counts) with Multiple Frustrated Murder na inisyu ng korte sa Isulan, Sultan Kudarat.

Ayon kay Sinas si Saptula ay miyembro n g Bangsamoro Islamic Freedom Fighter Karialan Faction sa ilalim ng pamumuno ni Chief Staff Sukarno Sapal alyas Diok).

Si Saptula ay sangkot sa serye ng pagpapasabog noong August 28, 2018 sa Brgy. Kalawag 3, Isulan, Sultan Kudarat kung saan 36 na sibiliyan ang nasugatan at 3 ang pumanaw.

Sangkot din ito sa pagpapasabog noong September 2, 2018 sa Brgy. Kalawag 2, Isulan, Sultan Kudarat kung saan 2 ang nasawi at 14 ang sugatan.