Solicitation letter para sa installation umano ni Cardinal Jose Advincula Jr., peke ayon sa simbahan
Nagbabala ang Simbahang Katolika sa publiko sa ipinakakalat na solicitation letter na para umano sa installation ni Cardinal Jose Advincula Jr. bilang Archbishop ng Manila.
Ayon sa abiso ng Manila Cathedral sa kanilang Facebook page, peke ang ipinakakalat na liham.
Sa nasabing liham nakasaad ang pahingi ng donasyon para sa nalalapit na installation ni Advincula.
Ginamitan pa ito ng pangalan ni Bishop Broderick Pabillo bilang signatory.
Ayon sa pahayag ng Manila Cathedral, peke ang liham at hindi dapat paniwalaan ng publiko.
Wala umanong inilalabas na anumang solicitation letter at hindi nagso-solicit ng pera ang simbahan para sa installation ni Advincula.
