India nakapagtala ng halos 300,000 bagong kaso ng COVID-19 sa magdamag; mahigit 2,000 ang pumanaw
Halos 300,000 ang naitalang bagong kaso ng COVID-19 sa India sa nakalipas na magdamag.
Batay sa datos ng Worldometers, 294,290 ang bagong kaso ng COVID-19 na naitala sa India.
Dahil dito umabot na sa mahigit 15.6 million ang kabuuang kaso ng COVID-19 sa nasabing bansa.
Nakapagtala naman ng 2,020 na pumanaw sa magdamag.
Ang India ay mayroong mahigit 13.2 million na recoveries at mahigit 2.1 million na aktibong kaso.
