Biyahe ng LRT-2 nagka-aberya; halos 3-oras nahinto ang operasyon

Nakaranas ng aberya sa biyahe ng LRT line 2.

Halos tatlong oras na nagpatupad ng code red o stop operations sa buong linya ng tren.

Ayon sa abiso ng LRTA, alas 7:53 ng umaga nang makaranas ng technical problem sa LRT-2 kaya nagtaas ng Code Red at itinigil ang pagbebenta ng tiket at itinigil ang operasyon.

Sinabi ng LRTA na nagsagawa ng remedial works at intervention para sa mabilis maisaayos ang problema.

Alas 10:39 ng umaga nang bawiin ang pag-iral ng Code Red at muling makabiyahe ng normal ang mga tren ng LRT-2.