Red Rainfall Warning nakataas sa Samar at Eastern Samar

Nakararanas pa rin ng nalakas at patuloy na buhos ng ulan sa maraming lalawigan sa Visayas dahil sa Typhoon #BisingPH.

Sa inilabas na Heavy Rainfall Warning ng PAGASA alas 2:00 ng hapon ngayong Sabado, Apr. 18 red warning level pa rin ang nakataas sa Samar at Eastern Samar.

Babala ng PAGASA maaring makaranas ng pagbaha sa mabababang lugar at pagguho ng lupa sa bulubunduking lugar.

Orange warning level naman ang umiiral sa Leyte at Biliran.

Pinapayuhan ang mga residente na mag-antabay sa mga susunod na abiso ng PAGASA.

Muling maglalabas ng rainfall warning ang PAGASA alas 5:00 ng hapon.