P1.2B na halaga ng Giant Clam Shell nakumpiska sa Palawan

Nakumpiska ng mga tauhan ng Philippine Coast Guard ang malaking halaga ng mga Giant Clam Shells o “taklobo” sa Palawan.

Ayon sa Coast Guard, umabot sa 200 tons ng fossilized G Clam Shells ang natagpuan sa Barangay Tumarbong, Roxas, Palawan.

Ayon kay kay PCG District Palawan Commander, Commodore Genito Basilio, ito na ang maituturing na inakamalaking halaga ng nakumpiskang giant clam shell sa lalawigan.

Naaresto sa operasyon ang mga suspek na sina Rey Cuyos, 54; Rodolfo Rabesa, 48; Julius Molejoa, 47; at Erwin Miagao, 40.

Mahaharap sila sa kasong paglabag sa Republic Act No. 9147 o ang Wildlife Resources Conservation and Protection Act.