Angel Locsin nag-donate ng disposable gloves sa Coast Guard

Nagpasalamat ang Philippine Coast Guard (PCG) sa aktres na si Angel Locsin sa pagbibigay nito ng mga disposable gloves sa PCG.

Ayon sa PCG, 2,500 na gloves ang ibinigayni Angel na magagamit ng mga tauhan ng Coast Guard sa araw-araw na operasyon ng Task Group Airport at Task Group RT-PCR.

Personal na ipinagkalooban ng aktres ang nasabing mga medical supplies sa Task Group Resource Management, Logistics, and Admin ng PCG.

Ang mga tauhan ng Coast Guard na nakatalaga sa Task Group Airport at Task Group RT-PCR ay tumutulong sa libu-libong returning overseas Filipinos (ROFs) para maisailalim sila sa swab testing pagdating sa bansa.