9-anyos na bata sa Baguio lumiham kay Pangulong Duterte; pagmumura ng presidente pinuna

Viral ngayon sa social media ang liham na isinulat ng isang 9-anyos na bata sa Baguio City para kay Pangulong Rodrigo Duterte.

Ayon sa ina ng bata, bilang bahagi ng requirement sa paaralan, pinagsulat sila ng liham para sa presidente ng bansa.

At sa ginawang liham ng batang si “Skye”, kinuwestyon nito ang paggamit ng “bad words” ni Pangulong Duterte.

Ayon kay Skye, sa bahay ay tinuruan silang rumpespeto sa bawat isa at alam nilang may mga salitang hindi dapat sinasabi.

Sinabi ni Skye na nagulat siya nang minsang mapanood niya ang pangulo at nadinig na na ito ay mayroong pinagsasalitaan ng hindi maganda.

“As president, don’t you think you should be a role model for good manners and right conduct,” ayon sa bahagi ng liham ng bata.

Sa huling bahagi ng liham sinabi ni Skye na umaasa siyang babaguhin ng pangulo ang kaniyang ugali.