Dating Pangulong Estrada bumubuti na ang kondisyon

Bumubuti ang kondisyon ni dating Pangulong Joseph Estrada na ngayon ay nagpapagaling sa COVID-19.

Ayon sa inilabas na medical bulletin ng kaniyang anak na si dating Senador Jinggoy Estrada, maayos ang pagtugon ng dating pangulo sa gamutan.

“Doctors are now starting to slowly mean him off ventilator support,” ayon sa nakababatang Estrada.

Nananatili din aniyang stable ang organ functions ng dating pangulo.

Muli namang humiling ng dasal ang dating senador para sa kaniyang ama para sa tuluyan na nitong paggaling.