Pangulong Duterte kinilala ang kabayanihan ng mga frontliner ngayong Araw ng Kagitingan
Sa paggunita ng Araw ng Kagitingan, binigyang-pagkilala ni Pangulong Rodrigo Duterte ang kabayanihan ng mga frontliner.
Sa kaniyang mensahe, binigyang pagpupugay ng pangulo ang patuloy na pagpapakita ng sakripisyo at dedekasyon ng mga frontliner sa kasagsagan ng laban ng bansa sa COVID-19 pandemic.
“This day is a firm reminder of the unyielding determination of Filipino to prevail over all forms of adversity,” ayon sa mensahe ng pangulo.
Ayon sa pangulo ang commitment na ipinakikita ng mga frontliner ay sumasalamin na ang kabayanihan ng mga lumaban noon sa Bataan ay patuloy na nagsisilbing inspirasyon sa bawat isa.
