Singil sa kuryente ng Meralco tataas ngayong buwan

Tataas ngayong buwan ng Abril ang singil sa kuryente ng Meralco.

Kasunod ito ng dalawang magkasunod na buwan na pagbaba sa singil sa kuryente ng Meralco.

Ayon sa Meralco may pagtaas na P0.087/kwh ngayong buwan ng Abril dahil sa pagtaas ng presyo ng kuryente sa spot market.

Ang naturang dagdag ay katumbas ng P17 na dagdag sa bill ng mga kumokonsumo ng 200 kwh, P26 na dagdag sa bill ng mga kumokonsumo ng 300 kwh, P35 na dagdag sa bill ng mga kumokonsumo ng 400 kwh, at P44 na dagdag sa bill ng mga kumokonsumo ng 500 kwh.