Miss Eco International 1st runner-up Kelley Day maayos ang kondisyon; naghihintay ng resulta ng kaniyang RT PCR Test sa Egypt
Hindi pa rin makauuwi ng bansa si Kelley Day matapos magwagi bilang first runner-up sa Miss Eco International na ginanap sa Egypt.
Sa inilabas na pahayag ni Miss Eco International Philippines National Director Arnold Vegafria, maayos naman ang kondisyon ni Day at hinihintay na lamang ang resulta ng kaniyang RT-PCR test.
Hindi pa ito makauwi ng bansa dahil walang available na return flights bunsod na rin ng pag-iral ng ECQ sa NCR Plus.
Ayon kay Vegafria, nasa ligtas na lugar sa isang hotel si Day.
Tiniyak din ni Vegafria na napapangalagaan ang kaniyang kalusugan at pinangangalagaan siya ng mga organizer ng Miss Eco International.
