Pagbabakuna sa mga senior citizen gamit ang Sinovac sisimulan sa April 12
Simula sa April 12 ay magsasagawa na muli ng pagbabakuna sa mga senior citizen gamit naman ang bakuna ng Sinovac na CoronaVac.
Batay ito sa abiso ng National Task Force – COVID-19 kasunod ng pag-abruba ng Food and Drug Administration na magamit ang Sinovac para sa mga senior citizen.
Ang pagsisimula ng pagbabakuna ay sa April 12 itinakda para may sapat na panahon upang makapagtakda ng vaccination sites, at mai-organisa ang schedule ng pagbabakuna.
Nakatakda ding mag-isyu ng guidelines ang Department of Health tungkol sa gagawing vaccination program.
