WATCH: Oil Tanker at Cargo Ship nagkabanggaan sa karagatang malapit sa Cavite City
Isang oil tanker at isang cargo ship ang nagkabanggaan sa karagatan na malapit sa Cavite City.
Kinumpirma ito ni Philippine Coast Guard spokesperson Commodore Armand Balilo.
Ayon kay Balilo, ang nagkabanggaan ay ang MTr Rich Rainbow at Bulk Carrier Ivy Alliance.
Nangyari ang aksidente Miyerkules (Apr. 7) ng gabi, three nautical miles ang layo sa Cavite City.
Ang Rich Rainbow ay isang Panamanian Flag vessel na may kargang gasolina.
Ang Ivy Alliance naman ay nakarehistro sa Marshall Islands, at may kargang coal.
Ang Coast Guard Station Cavite ay naghahanda na ng technical experts para makapagsagawa ng marine casualty investigation.
