Pakiusap ni dating Sen. JV Ejercito, huwag ikalat ang larawan ng ama na nasa ospital

Nakiusap si Senator JV Ejercito sa publiko na huwag ikalat ang larawan ng kaniyang ama na nasa ospital.

Sa kaniyang post sa Twitter, umapela si Ejercito na respetuhin ang privacy ng kaniyang ama lalo na sa kasalukuyang kondisyon nito.

“Sana wag na ikalat ang picture ni President Erap na nasa hospital in his present condition. Respect his privacy please,” pakiusap ni Ejercito.

Si dating Pangulong Joseph Estrada ay kasalukuyang nagpapagaling pa sa COVID-19.

Kinumpirma din ni Ejercito na tumawag sa kaniya si Pangulong Rodrigo Duterte upang kumustahin ang lagay ng dating pangulo.

“Napakalaking bagay po ng pag tawag ninyo Mr. President sa akin para kamustahin ang aming ama. Ang laking gulat ko po! Nakakalakas din po ng loob sa gitna ng sitwasyon ng amin ama,” kwento ni Ejercito.