Davao City Mayor Sara Duterte umalis ng bansa patungong Singapore
Kinumpirma ni Davao City Mayor Sara Duterte ang pag-alis niya ng bansa patungong Singapore.
Sa pahayag ng presidential daughter, sinabi nitong siya ay naka-leave mula April 6 hanggang April 10.
Ang pagtungo umano niya sa Singapore ay para sa personal health management.
Sinabi ng alkalde na siya ay mayroong travel authority na inisyu ng Department of Interior and Local Government.
Tiniyak din nitong lahat ng protocols sa kaniyang pagbabalik sa Davao City kabilang ang pagsasailalim sa RT-PCR testing at 14-day quarantine ay kaniyang susundin.
