Ilang biyahe ng PAL patungong Region 6 kanselado hanggang April 10

Kasunod ng ipinatupad na temporary suspension sa inbound passenger travel patungong Region 6 (Western Visayas) galing NCR Plus area, Cebu at Davao, ay kinansela ng Philippine Airlines ang ilang biyahe nito patungo sa nasabing rehiyon.

Sa abiso ng PAL, kanselado ang lahat ng kanilang mga flight mula Manila patungong Bacolod, Iloilo, Antique, Caticlan, Kalibo at Roxas City hanggang April 10.

Kanselado din ang mga biyahe ng PAL galing ng Cebu patungong Caticlan hanggang April 10 at galing Cebu patungong Bacolod at vice versa hanggang April 9.

Ang PAL flights mula Iloilo, Bacolod, Roxas at Kalibo patungong Manila ay magpapatuloy batay sa nakatakdang mga schedule.

Ang PAL flight mula Antique to Manila ay tuloy din sa April 10.

Tuloy din ang flights mula at patungo sa iba pang rehiyon kabilang ang galing ng Manila, Cebu at Davao.