COVID-19 cases sa bansa 803,398 na; mahigit 8,000 na bagong kaso ang naitala

Nakapagtala muli ng mataas na bilang ng dagdag na kaso ng COVID-19 sa bansa.

Sa inilabas na datos ng Department of Health (DOH) alas 4:00 ng hapon ng Lunes (April 5), umabot na sa 803,398 ang kabuuang bilang ng kaso ng COVID-19 sa bansa.

Sa magdamag, umabot sa 8,355 ang dagdag na mga kaso.

Sa kabuuang bilang ng COVID-19 cases, 646,237 ang gumaling o katumbas ng 80.4 percent makaraang makapagtala pa ng dagdag na 145 na gumaling.

143,726 naman ang active cases o katumbas ng 17.9 percent.

Habang nakapagtala pa ng dagdag na 10 pang pumanaw sa sakit.

13,435 ang kabuuang death toll sa bansa o 1.67 percent.