Paghirang ni Pangulong Duterte kay Justice Alexander Gesmundo bilang bagong SC chief justice kinumpirma ng Malakanyang
Kinumpirma ni Presidential Spokesman Harry Roque na si Justice Alexander Gesmundo ang itinalaga ni Pangulong Duterte bilang bagong Chief Justice ng Korte Suprema.
Ayon kay Roque, tiawala ang Malakanyang na ipagpapatuloy ni Gesmundo bilang bagong Punong Mahistrado ang pag-uphold sa judicial excellence at independence.
Gayundin ang pagpapairal sa rule of law at pangunahan ang mga reporma para itaguyod ang integridad at propesyonalismo sa Hudikatura.
Si Gesmundo ang ika-27 Chief Justice ng Korte Suprema.
Noong nakaraang linggo pa umugong ang mga balitang si Gesmundo ang napili ng pangulo bilang bagong Punong Mahistrado kapalit ng nagretirong si Justice Diosdado Peralta.
