COVID-19 cases sa bansa 795,051 na; mahigit 11,028 na bagong kaso ang naitala

Nakapagtala muli ng mataas na bilang ng dagdag na kaso ng COVID-19 sa bansa.

Sa inilabas na datos ng Department of Health (DOH) alas 4:00 ng hapon ng Linggo (April 4), umabot na sa 795,051 ang kabuuang bilang ng kaso ng COVID-19 sa bansa.

Sa magdamag, umabot sa 11,028 ang dagdag na mga kaso.

Sa kabuuang bilang ng COVID-19 cases, 646,100 ang gumaling o katumbas ng 81.3 percent makaraang makapagtala pa ng dagdag na 41,205 na gumaling.

135,526 naman ang active cases o katumbas ng 17 percent.

Habang nakapagtala pa ng dagdag na 2 pang pumanaw sa sakit.

13,425 ang kabuuang death toll sa bansa o 1.69 percent.