NCR Plus mananatiling nakasailalim sa ECQ sa loob ng isang linggo

Inaprubahan ni Pangulong Rodrigo Duterte ang rekomendasyon ng Inter-Agency Task Force (IATF) na palawigin pa ang pag-iral ng Enhanced Community Quarantine (ECQ) sa National Capital Region (NCR), Bulacan, Cavite, Laguna at Rizal.

Ayon kay Presidential Spokesperson Harry Roque, sasailalim pa rin sa ECQ ang NCR Plus mula April 5 hanggang April 11, 2021.

Sa nasabing mga panahon ay paiigtingin pa ayon kay Roque ang pagpapatupad ng Prevent, Detect, Isolate, Treat and Reintegrate (PDITR) Strategy.

Ang health care utilization, case numbers at PDITR gatekeeping indicators ang magsisilbing basehan para sa magiging klasipikasyon ng quarantine status sa mga susunod pang linggo.