COVID-19 cases sa bansa 741,181 na; mahigit 9,000 na bagong kaso ang naitala
Muling nakapagtala ng lagpas sa 9,000 na bagong kaso ng COVID-19 sa bansa.
Sa inilabas na datos ng Department of Health (DOH) alas 4:00 ng hapon ng Martes (March 30), umabot na sa 741,181 ang kabuuang bilang ng kaso ng COVID-19 sa bansa.
Sa magdamag, umabot sa 9,296 ang dagdag na mga kaso.
Sa kabuuang bilang ng COVID-19 cases, 603,310 ang gumaling o katumbas ng 81.4 percent makaraang makapagtala pa ng dagdag na 103 na gumaling.
124,680 naman ang active cases o katumbas ng 16.8 percent.
Habang nakapagtala pa ng dagdag na 5 pang pumanaw sa sakit.
13,191 ang kabuuang death toll sa bansa o 1.78 percent.
