Halos isang milyong doses ng COVID-19 vaccine binili ng San Miguel Corp. para sa mga empleyado

Sa buwan ng Hulyo ay inaasahang darating na sa bansa ang unang bahagi ng halos isang milyong doses ng COVID-19 vaccine na binili ng San Miguel Corporation para sa kanilang mga empleyado.

Ayon kay San Miguel Corporation President at COO Ramon S. Ang, ang bakuna na kanilang binili ay aprubado na ng Food And Drug Administration para sa Emergency Use Authorization.

Ang parating na mga bakuna ay kayang maibigay sa 70,000 mga empleyado ng SMC, extended workforce at kanilang pamilya.

Ang iba pang bakuna ay ido-donate ng SMC sa mga komunidad na nangangailangan.