Highest single-day increase; DOH nakapagtala ng mahigit 10,000 bagong kaso ng COVID-19

Muling nakapagtala ng pinakamataas na single-day increase sa bagong kaso ng COVID-19 sa bansa.

Sa inilabas na datos ng Department of Health (DOH) alas 4:00 ng hapon ng Lunes (March 29), umabot na sa 731,894 ang kabuuang bilang ng kaso ng COVID-19 sa bansa.

Sa magdamag, umabot sa 10,016 ang dagdag na mga kaso.

Sa kabuuang bilang ng COVID-19 cases, 603,213 ang gumaling o katumbas ng 82.4 percent makaraang makapagtala pa ng dagdag na 78 na gumaling.

115,495 naman ang active cases o katumbas ng 15.8 percent.

Habang nakapagtala pa ng dagdag na 16 pang pumanaw sa sakit.

13,186 ang kabuuang death toll sa bansa o 1.80 percent.