Kahulugan ng ECQ ngayong Holy Week gawing “Encounter Christ Quietly” ayon sa Simbahan
ECQ – “Encounter Christ Quietly”
Ayon kay Fr. Douglas Badong, Quiapo Church parochial vicar, ngayong Holy Week mabuting bigyan ng ibang kahulugan ang ECQ.
Sa kaniyang homily misa sa Quiapo Church ngayong Lunes Santo, sinabi ni Fr. Badong na pagkakataon ito para mas makapag-focus ang mga manananampalataya sa paggunita ng Holy Week.
Pinayuhan din ni Fr. Badong ang bawat pamilya na samantalahin ang pagkakataon na nakakasama pa nila ang isa’t isa.
Sinabi ni Fr. Badong na ngayong mayroong pandemya at marami ang pumapanaw, dapat magsilbi itong aral sa bawat isa, na habang buhay pa at magkakasama ay “ibigay ang dapat ibigay”, “ipadama ang pagmamahal”, at pahalagahan ang mahal sa buhay.
