Lotto draw sa NCR Plus suspendido
Sa pag-iral ng Enhanced Community Quarantine, sinuspinde muna ng Philippine Charity Sweepstakes Office (PCSO) ang Lotto draw sa tinaguriang “NCR Plus”.
Ayon sa PCSO, bilang pagsunod ito sa resolusyon ng Inter Agency Task Force.
Simula March 29 hanggang March 31, ititigil muna ang pagbebenta ng Lotto tickets at iba pang digit games sa NCR, Bulacan, Cavite, Laguna at Rizal.
Wala pa kasing tugon ang IATF sa hiling ng PCSO na payagan ang pagkakaroon ng draw sa PCSO Main Office sa Mandaluyong.
Ang STL at Keno draws at pagbebenta ng Instant Sweepstakes tickets sa mga lugar na hindi sakop ng ECQ ay magpapatuloy.
Samantala, mula April 1 hanggang 4 ay suspendido ang lahat ng gaming operations ng PCSO bilang paggunita sa Holy Week.
