24 higher education institutions sa bansa pinayagang makapagsagawa ng limited face-to-face classes para sa second semester

Mayroong 24 na higher education institutions sa bansa ang pinayagan ng Commission on Higher Education (CHED) na makapagsagawa ng limited face-to-face classes.

Ayon sa CHED ito ay para sa 2nd Semester ng Academic Year 2020-2021.

Paliwanag ng CHED, nakasunod ang nasbaing mga HEIs sa CHED-DOH guidelines at naisailalim na sa inspeksyon ng CHED at mga nakasasakop na LGU.

Dahil dito, pwede nang magsagawa ng hands-on training at laboratory classes sa limited face-to-face system para sa 3rd at 4th year students.

Kabilang sa mga HEIs na nakapasa sa health standards ng CHED, DOH at IATF ay ang mga sumusunod:

Mariano Marcos State University – Batac (Region I)
St. Louis University (CAR)
Our Lady of Fatima University – City of San Fernando (Region III)
Ateneo School of Medicine and Public Health (NCR)
University of Santo Tomas (NCR)
University of East Ramon Magsaysay (NCR)
Our Lady of Fatima University – Quezon City (NCR)
Our Lady of Fatima University – Valenzuela City (NCR)
Manila Central University (NCR)
Adventist University of the Philippines (Region IV)
De La Salle Health and Medical Science Institute (Region IV)
University of Perpetual Help – Don Jose (Region IV)
Our Lady of Fatima University – Sta. Rosa (Region IV)
Naga College Foundation (Region V)
West Visayas State University (Region VI)
Central Philippine University (Region VI)
Cebu Institute of Medicine (Region VII)
University of Cebu School of Medicine (Region VII)
Iloilo Doctors’ College of Medicine (Region VI)
University of Iloilo (Region VI)
Blancia Foundation College, Inc. (Region IX)
Xavier University (Region X)
Liceo de Cagayan University (Region X)
University of the Philippines-Manila (NCR)

Ang ilang piling allied health-related degree programs, gaya ng Medicine, Nursing, Medical Technology/Medical Laboratory Science, Physical Therapy, Midwifery, at Public Health, ay prayoridad sa pagsasagawa ng limited face-to-face classes.

Ayon kay CHED Chairman J. Prospero E. De Vera III, babantayan ang nasabing mga HEIs para masigurong patuloy silang makasusunod at magbibigay ng safe and healthy spaces sa kanilang mga mag-aaral.

Anim na HEIs naman ang nakipag-partner sa kanilang LGUs para ang kanilang pasilidad ay magamit bilang vaccination centers.

Kabilang dito ang mga sumusunod:

1. University of Santo Tomas Hospital (NCR)
2. Manila Central University Gymnasium (NCR)
3. St. Louis University Baguio Gymansium (CAR)
4. De La Salle Medical Health Sciences Institute (Region 4)
5. Our Lady of Fatima University (NCR)
6. Central Philippine University (CPU)

Hinikayat ni De Vera ang iba pang HEIs na ipagamit ang kanilang pasilidad para sa nalalapit na expanded vaccination sa bansa.