Dalawa pang lugar sa Muntinlupa isinailalim sa Extreme Localized Community Quarantine
Isinailalim sa Extreme Localized Community Quarantine ang St. Anthony St., JPA Subdivision sa Brgy. Tunasan at Amparo St. sa Brgy. Poblacion simula sa Muntinlupa City.
Ang pag-iral ng ELCQ ay simula alas 6:00 ng umaga ng March 26, 2021 hanggang alas 6:00 ng umaga ng April 10, 2021.
Habang umiiral ang lockdown ay magsasagawa ang City Health Office ng mass testing.
Pagkakalooban naman ng ayuda ng lokal na pamahalaan ang mga apektadong pamilya.
Nasa apat na komunidad pa ang nasa ilalim ng ELCQ sa lungsod.
Paalala ng lokal na pamahalaan, patuloy na sumunod sa health protocols gaya ng palagiang paghuhugas ng kamay, physical distancing, at pagsusuot ng face mask at face shield.
