Birthday wish ni Pangulong Duterte: matapos na ang pandemya

Ang makabalik sa normal na pamumuhay ang bawat isa ang birthday wish ni Pangulong Rodrigo Duterte.

Ayon ito kay Presidential Spokesperson Harry Roque, kasunod ng nalalapit na pagdiriwang ng ika-76 na Kaarawan ng pangulo.

Aniya tiyak na nais ng pangulo na matapos na ag pandemya upang matupad na ang pagkakaroon ng komportableng pamumuhay ng mamamayan.

Noong nakaraang taon, ang pangulo ay nagdiwang ng Kaarawan habang naka self-quarantine sa Malakanyang.