Kainan sa Brgy. Putatan sa Muntinlupa ipinasara dahil sa paglabag sa GCQ rules
Isang kainan sa Barangay Putatan sa Muntinlupa City ang ipinasara ng pamahalaang lungsod dahil sa paglabag sa pinaiiral na health and safety protocols.
Isinilbi ng mga tauhan ng Business Permit and Licensing Office ng Muntinlupa ang closure order sa “Jims Pairs and Hot Mommy” na nasa National Road.
Ayon sa BPLO, nilabag ng naturang kainan ang pagbabawal sa dine-in services sa ilalim ng pag-iral ng General Community Quarantine.
Batay sa pinaiiral na GCQ sa Metro Manila at mga kalapit na lalawigan, bawal ang indoor dine-in sa mga restaurant.
Papayagan lamang ang dine-in sa labas o al fresco dining.
