Malabon Mayor Lenlen Oreta positibo sa COVID-19
Nagpositibo sa COVID-19 si Malabon Mayor Lenlen Oreta.
Sa kaniyang pahayag sinabi ni Oreta na bilang bahagi ng contact tracing ay kinailangan niyang magpa-swab test.
Lumabas ang resulta na positibo siya sa sakit.
Ayon kay Oreta, wala siyang anumang sintomas at maayos ang kaniyang kondisyon.
Sasailalim muna siya sa home quarantine at doon muna itutuloy ang kaniyang trabaho.
Sinabi ni Oreta na patunay itong matindi pa rin ang epekto ng COVID-19 sa Malabon kaya matinding pag-iingat pa rin ang kailangan lalo na sa pagsunod sa mga health protocols.
